Марий Йӱштӧ Кугыза- почто конвертыште
Марий Элыште Йӱштӧ Кугызалан эн сылнын почто конверым ыштыме шотышто конкурсым увертарыме. Тушко чыла кумылан- влак ушнен кертыт. Участник- влак Шернур посёлкышто Микрорайон урмысе, 16-шо пӧрт адрес дене верланыше оргкомитетыш але электрон почтыш 31-ше март марте пашаштым колтышаш улыт. Конкурсым 10-шо апрель марте иктешлаш палемдыме. Сеҥыше еҥ уло ешыж дене Кукнур селашке Марий Йӱштӧ Кугызан резиденцийышкыже миен толын кертеш. Конкурсым Шернур районын тӱвыра пӧлкаже дене Шернурысо Ким Васин лӱмеш рӱдӧ книгагудо система эртарат.
