Республикыштына «Самырык профессионал- влак» регионысо виш чемпионат лиеш
17-ше гыч 21-ше февраль марте Республикыштына «Самырык профессионал- влак» регионысо 8-ше виш чемпионат эрташ тӱҥалеш. Тудо пашаче профессийын лӱмжым нӧлталаш, тунемше- влаклан пашам ойырен налаш, экономикыш самырык- влакым кумылаҥдаш, самырык- влак коклаште профессий дене эн уста- влакым ойырен налаш манын эртаралтеш. Регионысо чемпионатын организационный комитетшым республикым вуйлатышын икымше алмаштышыже Михаил Васютин вуйлата. Чемпионатым торжественно почмаш 17-ше февральыште 10 шагатлан Самырык- влакын полатыштыш лиеш. Таҥасымашке 14 гыч 16, 16 гыч 22 да 50 ияш деч кугурак- влак ушнат. 16 ияш гыч тунемше- влак 31 специальность дене шинчымашыштым ончыктат, а 14 ияш гыч куд компетенций дене мастарлыкым ончыктат. А 50 ияш деч кугурак- влакын «Навыки мудрых» чемпионатышт 26-шо гыч 28-ше февраль марте эрта. Таҥасымаш 12 площадкыште лиеш. Тиде виш чемпионатлан шотлалтеш. Сандене тушко Татарстан, Чуваший, Удмуртий, Ульяновск область, Моско да Санкт-Петербург гыч конкурсант- влакым ӱжмӧ. Чылаже 32 тунемме тӧнеж гыч 310 конкурсант лийшаш.
