Республике гыч рвезе- влак ВДВ-ш служитлаш каеныт
Республике гыч рвезе- влак ВДВ-ш служитлаш каеныт. Йошкар-Олан мэрже Евгений Маслов шке телеграм-каналыштыже у тӱшка рвезе- влакым ужатыме нерген каласкален. Марий Элыште шыже призыв кампаний умбакыже шуйна. Икымше тӱшкам 10-шо ноябрьыште колтымо деч вара, у командым чумырымо. Нуно Рӱдӧ да Касвел военный округлаште юж десант войскаште служитлаш тӱҥалыт. Республикын сарзе комиссаржын пашажым шуктышо Сергей Печенников умылтарен: сборный пунктышто рвезе- влак мо кӱлешым чыла налыныт: сухпаёкым, лӱман электрон да банк картым, лишыл еҥ- влак дене кылым кучаш симкым. Тидымат ешарен: срочный службын салтакше- влак лӱмын эртарыме сар операцийыш огыт колталт.
Скрин: t.me/evmaslov12
Скрин: t.me/evmaslov12
