Республике кӱкшытан кокымшо муниципал форум эртен
Марий Элыште Республике кӱкшытан кокымшо муниципал форум эртен. Форум кокымшо ий почела верысе самоуправлений пашаеҥ- влакым чумыра. Республикым вуйлатыше Юрий Зайцевын кӱштымыжо почеш погынышо- влакым Правительстве вуйлатышын икымше алмаштышыже Евгений Курмаев саламлен. Форумын цельже- муниципал пашаеҥ- влакым иктыш ушымаш, верысе самоуправленийын сай опытшо- влакым шарен колтымаш, эн сай паша- влак дене вашла палдарымаш улеш. Тений форумым кок ужашлан шелме. Икымше йыжыҥыште августышто территориальный мер самоуправленийын, калык дружинын, яллан старостышым погымо. Кокымшо йыжыҥже кодшо кугарнян тӱналын. Тушто муниципал реформым каҥашыме. Пленар заседанийыште Угарман областьын да Чувашийын еҥышт участвоватленыт. Нуно шке кундемыштышт шуктымо паша дене палдареныт.
Пашаште шумо сеҥымашлан Йошкар-Оласе ЗАГС пӧлкам вуйлатыше Светлана Дудкина «Марий Эл ончылно надырлан» кокымшо степенян орден дене палемдалтын. «Республикысе муниципал службын сулло пашаеҥже» Чап лӱмым Советский район тӱвыра пӧлкам вуйлатыше Яков Ефремовлан да Марий Турек районысо Косолоп ял администрацийым вуйлатыше Габдельбар Хамитовлан пуымо. Тыгак вич еҥлан Правительствын чап грамотыжым кучыктымо да ик еҥлан республикым вуйлатышын тауштымашыжым увертарыме.
Фото: Марий Элым вуйлатышын администрацийжын увер дене пашам ыштыше пӧлкаже.
Пашаште шумо сеҥымашлан Йошкар-Оласе ЗАГС пӧлкам вуйлатыше Светлана Дудкина «Марий Эл ончылно надырлан» кокымшо степенян орден дене палемдалтын. «Республикысе муниципал службын сулло пашаеҥже» Чап лӱмым Советский район тӱвыра пӧлкам вуйлатыше Яков Ефремовлан да Марий Турек районысо Косолоп ял администрацийым вуйлатыше Габдельбар Хамитовлан пуымо. Тыгак вич еҥлан Правительствын чап грамотыжым кучыктымо да ик еҥлан республикым вуйлатышын тауштымашыжым увертарыме.
Фото: Марий Элым вуйлатышын администрацийжын увер дене пашам ыштыше пӧлкаже.
