Шернур посёлкышто пехотын боевой машиныжым вераҥдаш шонат
Шернур посёлкышто пехотын боевой машиныжым вераҥдаш шонат. Районын активистше- влак тыгай тӱҥалтышым ыштеныт: райрӱдыштӧ Элым аралыше, земляк- влакын подвигышт лӱмеш сарзе техникым вераҥдаш. Локальный военный конфликтлан участникышт тиде йодыш дене Федераций Советыште Марий Элын представительже Сергей Мартынов деке лектыныт. Сенатор деке приёмыш Шернур муниципал округым вуйлатыше Александр Кугергин ден СВО-н участникше Евгений Таникеев миеныт. Земляк- влакын лӱмышт дене нуно Шернурышто тоштер экспонат семын шындаш сарзе техникым ойыраш йодыныт. Мут - пехотын боевой машиныже нерген. Мутат уке, ончылгоч технике демилитаризоватлалтеш да лӱдыкшыдымӧ лиеш. Тудым Шернурышто кушто вераҥдышашым верысе калык шке ойырен налеш. Очыни, тиде Кугу Ачамланде сарыште сеҥымылан 70 ий темме лӱмеш сквер лиеш. Сенатор Сергей Мартынов тиде кӱлешан инициативым шыҥдараш Россий оборона министерствыш мияш шона.
Фото: Сергей Смирнов.
Фото: Сергей Смирнов.
