Южо еҥ- влак Марий паркыште чоҥымо паша дене кылдалтше йӧндымылык нерген вуйым шийыт

Южо еҥ- влак Марий паркыште чоҥымо паша дене кылдалтше йӧндымылык нерген вуйым шийыт
              Южо еҥ- влак Марий паркыште чоҥымо паша дене кылдалтше йӧндымылык нерген вуйым шийыт. Мэрий чынжымак палемда: жаплан лекше нелылык- комплексно тӱзландарыме планын ужашыже. Чолган тыршымаш ятыр кӱлешан пашам шукташ полшен. Паркыште у йолешке корно- влакым, пу скульптуро- влаклан лӱмын площадкым ыштыме, у электроподстанций чоҥалтын, кӱлеш инженер коммуникацийым пыштыме. Лишыл жапыште сценым кӱшкырак нӧлталыт. Тидыже мероприятий кайыме годым сайын ончаш йӧным пуа. Тидын годым администраций чоҥымо лавыра ден мланде шартышым пужымым ок шылте- материалым кондаш да монтажым ышташ кугу техникым кучылтмо годым тыгайже лиешак. Подрядчикым шижтарыме, тудо игече йӧным пуымо семын тӧрленак мия- мландым тӧремда да шудым ӱда- тидыже тӱҥ пашам мучашлымеке лиеш. Чыла тиде тыршымашыже- йӧратыме паркнам эше утларак йӧнаным да кызытсе жаплан келшышым ышташлан виктаралтын. Шонен пыштымым ме мучашыш шуктена да тиде паша йыжыҥыште  умылаш йодына,- ойлат ола администрацийыште.
          Фото: Йошкар-Олан мэрийже.

Прошлые выпуски