Юрино районышто 1891-ше ийысе тошто зданий сайын олмыктымашым вуча
Юрино районышто 1891-ше ийысе тошто зданий сайын олмыктымашым вуча. Республикысе тӱвыран сулло пашаеҥже Валерий Фролов Кугыжаныш Думын депутатше Сергей Казанков деке йодмаш дене лектын. Тудо Васильевское селаште тошто зданийым олмыкташ полшаш йодын. Тынар жапыште тудо палынак шолдырген. А тушто ойыртемалтше этнографий экспозиций аралалтеш. Парламентарий йодмаш деч ӧрдыжеш кодын огыл да икмыняр серышым Республикысе тӱвыра министерствыш да Юрино район администрацийыш колтен. Тыге шийвудым мумо да тудын кӱшеш лунчыргышо леведышым олмыктымо. Но тиде этнографий экспозицийым арален кодымашке эше икымше ошкыл гына. Пашам пӱтынь зданийыште шуктыман. Сергей Казанков увертарен: тиде йодыш тудын депутат контрольыштыжо кодеш.
Фото: Сергей Казанковын ВК-же.
Фото: Сергей Казанковын ВК-же.
