Республике шушаш ийынат проект почеш корным олмыкташ ямде
Марий Эл 2021-ше ийыште «Лӱдыкшыдымӧ да сай качестван автомобиль корно- влак» калыкле проектым шыҥдараш ямде. Тиде проект почеш пашам ышташ шушаш ийлан чыла проект документацийым ямдылыме. Регион кӱкшытан корнылаште кок ий жапыште тӱҥ корно- влакым олмыктымо. Йошкар-Ола агломерацийыште социал кӱлешан объектлашке, медицина тӧнежлашке, турист объектлашке намийыше корным ыштыме. Нормо дене келшен толшо автомобиль корно ик тичмашат 19 шӱдаш процент гыч 10 тичмашат 7 луаш процент марте ешаралтын. Тидыже 306 меҥге лиеш. А чылаже регион кӱкшытан кум тӱжемат 47 меҥге кужыт корно уло. Калыкле проектым шыҥдарыме жапыште планым 19-ше ийыште 22 меҥгылан, тений 30 меҥгылан эртарен темыме. Тидыже республикын утларак кӱкшытыш шуаш куатше уло манмым ончыкта.
