Республикым вуйлатышылан «Кугу Ачамланде сар жапыште (1941-1945 ийлаште) Йошкар-Олан паша подвигше» документ да материал- влак сборникым презентоватленыт
Теҥгече Республикым вуйлатышылан «Кугу Ачамланде сар жапыште (1941-1945 ийлаште) Йошкар-Олан паша подвигше» документ да материал- влак сборникым презентоватленыт. Савыктышым Сеҥымашын 80 ияш лӱмгечыжлан пӧлеклыме. Тиде- Историй шарнымашым арален кодымаште эше ик кӱлешан ошкыл, самырык тукымлан калыкнан героизмже нерген каласкалаш сай йӧн»- палемден Юрий Зайцев. Сборникыште архив документ да периодический печать материал- влак негызеш кугу сарыште сеҥымашыш шумашке, сарлан да калыклан продукцийым чарныде лукмашке Йошкар-Олан пыштыме кугу надыржым, оласе калыкын паша героизм ден шкем чаманыде тырщымыжым ончыктымо. Презентацийыште саламлыме шомак дене Кугыжаныш Погыным вуйлатыше Михаил Васютин ойлен, паша династий- влакын еҥышт лийыныт. Сборникым ямдылымаште кӧ тыршен, чылаштлан тау. Тудо курымеш оласе калыкын героизмже нерген шарнымашым арален кода.- каласен Марий Элым вуйлатыше
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
