Таче Йошкар-Олан шочмо кечыже
Таче Йошкар-Олан шочмо кечыже. Тудлан 441 ий темеш. Олам негызлыме кече дене рӱдӧ оласе да пӱтынь республикысе калыкым Марий Элым вуйлатыше Юрий Зайцев саламла. Ныл курым утла жапыште олана кужу корным эртен, кызытсе жаплан келшыше, чолган вияҥше республикын рӱдерышкыже савырнен Черетан идалык сайын ончыко кайымашым ончыктен: 2024-ше ийыште тӱжемат шӱдӧ верлан 32-шо школым пашаш колтымо. Тений 9-ше А микрорайонышто у тунемме тӧнежым чоҥаш тӱҥалме, 6-шо микрорайонысо школын проектше кугыжаныш экспертизын сай заключенийжым налын.- каласен Юрий Зайцев. Тидымат рашемден: йыгыреак моло кӱлешан социал йодыш- влак виктаралтыт: медицина обслуживаний ден туныктымо паша саемеш, тӱшка кумдык- влак тӱзландаралтыт, у пашавер- влак шочыт. Оласе калык чынжымак ойыртемалтше архитектура, олан поян тӱвыраже дене кугешна. Таклан огыл идалык еда утларак да утларак турист- влак республикыш толыт. Кодшо ийын гына олаш 500 тӱжем утла еҥ толын каен.- палемден регионым вуйлатыше. Тудо республикын рӱдӧ олажлан ончыкыжымат пеледмашым, а тысе каылклан тазалыкым, пиалым, улан илышым да сеҥымаш- влакым тыланен шке саламлымашыштыже.
Олан кечыже дене кылдалтше тӱн пайрем мероприятий- влак 9-ше августышто лийыт.
Олан кечыже дене кылдалтше тӱн пайрем мероприятий- влак 9-ше августышто лийыт.
