Тоштер почылеш
17-ше октябрьыште Йошкар-Оласе сӱрет сымыктыш тоштерыште «Северные широты» проектын авторжо, сӱретче-влак Игорь Панов да Алексей Зуев дене вашлиймаш лиеш. Нуно элнан йӱдвел кундемлаштыже лиймышт, тушан возымо произведенийышт дене палдарат. Игорь Панов — живописец. Тольяттиште шочын. Тиде олаштак сӱрет сымыктыш да калык-арвер сымыктыш институтым вуйлата. Ятыр тӱнямбал да Россий кӱкшытан ончер-влакын участникше. 300 утла ончерже лийын, 40-же – персональный. Алексей Зуев - Алметьевск гыч сӱретче-график. Толльятиште Креативный индустрий институтым вуйлата. Тудат тӱрлӧ кӱкшытан ятыр ончерыште шке пашажым ончыктен.
