Республикысе эше ик посёлкышто вӱд пучым шупшыт

      Республикысе эше ик посёлкышто вӱд пучым шупшыт. Советский районысо Алексеевский посёлкышто вӱд пучым чоҥаш тӱҥалме. Тудо Заречный, Рабочий да Шоссейный уремлаште верланыше пӧртлашке вӱдым централизованно пуаш йӧным ышта. Пашан акше вич миллионат 200 тӱжем теҥгем эрта. Проектым шыҥдараш районын республикым вияҥдыме индивидуальный программыш пурымыжо полшен. 
       Инженер сетьым вияҥдыме подпрограмме почеш республикыште  ныл вӱд пучым чоҥышаш улыт. Кумытшо Советский районышто, иктыже- Провой велыште. Вӱд пучым чоҥымо паша Советский посёлкысо «Северный» микрорайонышто, Изи ден Кугу Ашламаш яллаште шукталтеш. Пашам «Марводстрой» организаций шукта.

Прошлые выпуски