Йошкар-Ола гыч туныктышо Российыште географийым эн сайын туныкта
Российыште географийым эн сайын туныктышылан Йошкар-Ола гыч педагогым шотлымо. Тиде лӱмым Александрова лӱмеш 11-ше лицейын туныктышыжо Янина Царегородцева сеҥен налын. «Географийым эн сайын туныктышо» Россий кӱкшытан профессионал мастарлдыкым ончыктышо конкурсым «Руш географий обществын» Угарманысе пӧлкаже да «Угарман областьым ӱшанлын вияҥдыме» фонд эртареныт. Конкурсын заочный йыжыҥышкыже Российысе 73 кундем гыч географийым туныктышо- влак ушненыт. Янина Валерьевна 6-шо класслан «Йырюжын темдыме куатше мемнан йыр» урокым темлен. Тудым жюрин еҥже- влак эн оҥайлан шотленыт да тӱҥ призым – глобусым кучыктеныт.
