Йошкар-Олаште кужун чоҥалтше кок пӧрт идалык мучашлан ямде лийшаш
Идалык мучаш марте Йошкар-Оласе кок проблеман объектыште ондалалтше дольщик- влакын праваштым пӧртылташ палемдыме. Марий Элым вуйлатыше Александр Евстифеев чоҥымаш министр Михаил Степанов дене Йошкар Армий урем ден Первомай уремысе пӧртлам чоҥен шуктымо йодышым каҥашен. Нине проблеман объектым правительстве шке контрольыштыжо куча. Молан манаш гын, нуным ондалалтше- влакын реестрыштышт шотлалтше еҥ- влак вучат. Михаил Степановын мутшо почеш Гомзово микрорайонысо 106 пачеран пӧртын кокымшо черетшым чоҥымаште паша писын кая. Каменщик- влакым 30 еҥ марте ешарыме. Ик верыштыже 9-ше пачашыш шумо, Тушто леведышлан стропилам шындаш тӱҥалыт, моло вереже 6-7-ше пачашлаште паша кая. Кӧргыштӧ тыгак шымартыме паша шукталтеш. Паша кечылаште 80-85 еҥ тырша. Декабрьыште ыштен шуктышаш улыт.
Республикым вуйлатыше тыгак Приволжский посёлкышто ФОК-ым чоҥымо паша нерген йодын. Тушто кызыт модульный котельныйым вераҥдат, арня мучашыште шокшым пуымо лиеш. Паша тушто мучашыш лишемеш.
Республикым вуйлатыше тыгак Приволжский посёлкышто ФОК-ым чоҥымо паша нерген йодын. Тушто кызыт модульный котельныйым вераҥдат, арня мучашыште шокшым пуымо лиеш. Паша тушто мучашыш лишемеш.
