«Маке-2020» операцийым иктешлыме
Республикыштына «Маке-2020-шо» оперативно- профилактик операцийым иктешлыме. МВД –н пресс-службыжын увертарымыж почеш тыгай мероприятийым эртарыме годым 8 килограмм утла наркотикан кушкылым да 600 грамм синтетикан наркотикым поген налме. Рейдым эртарыме годым тӱшка налмаште 70 квадрат метр кумдыкеш вераҥдыме кушкылым пытараш 28 предписанийым возымо. Наркотик дене кылдалтше 71 осал пашам пален налме да 54-шым почмо. 35 еҥым мут кучаш шогалтыме. Тушечын 17-ше административно, 18-ыже уголовно мутым куча. Наркотик дене аҥыргыше 49 водительым кучымо, наркотикым шаркалыше 9 еҥым чарыме.
