Республикысе мемориал кундемлаште пӱкшым, каштаным, кожым, спирейым шындат
Кугу Сеҥымашлан 75 ий темме лӱмеш республикысе мемориал кундемлаште пӱкшым, каштаным, кожым, спирейым шындат. Нине кушкылым Медведево районысо Руш Кукмор села гыч селекционер Валерий Пименов пуэн. Тудын мутшо почеш лач тыгай урлык кушкыл- влак мемнан кундемлан келшен толыт да сайын кушкыт. Чолга еҥ- влак 500 утла пушеҥгым шынденыт. Шукерте огыл каштан ден канде кожым Советский посёлкысо Чап монумент воктене вераҥденыт. Шернур посёлкышто Сеҥымашлан 70 ий темме лӱмеш скверыште, Ӱлыл Турекыште мемориал воктене шындаш палемдыме. Шукерте огыл Советский районысо Ӧрша селаште, Келмаксолаште каштаным, канде кожым да тюльпаным шындыме. Икте тургыжландара- ойлат шындыше- влак. Йошкар- Олаште шындыме туя ден роза пеледыш семын кушкылым луктын гына ынышт наҥгай.
