Республикысе самырык гимнастке- влак спорт агитбригаде- влак фестивальын участникше лийыныт
Республикысе самырык гимнастке- влак спорт агитбригаде- влакын «Спортын геройжо- влак- Элнан геройжо-шамыч» икымше Россий кӱкшытан фестивальын участникше лийыныт. Тудо 24-ше гыч 29-ше июнь марте Москошто эртен. Фестивальыш Российысе 19 регион гыч йоча ден подростко- влак ушненыт. Марий Эл гыч Гимнастике дене спорт школын воспитанницыже- влак Наталья Шерстнёван вуйлатымыже почеш миеныт. Агитбригаде- влак кок темылан выступленийым ямдыленыт. Иктыже- «Спортсмен- влак- элнан геройжо –шамыч». Тушто тӱрлӧ кундем гыч лӱмлӧ спортсмен- влакын спорт да сарзе подвигышт нерген каласкаленыт. Кокымшо темыже- «Мемнан семын ыште!». Тудыжо физкультура ден спортым шарен колтымашке виктаралтын. Фестивальын самырык участникше- влак Российын спорт министрже Михаил Дегтярёв дене вашлийыныт. Программе кышкарыште йоча- влак Спортын Кугыжаныш тоштерышкыже, Измайловысо кремльыш, ВДНХ-ште «Атом» ден «Космос» павильонлаш миеныт, спорт гимнастике дене олимпий чемпионко Лилия Ахаимова дене вашлийыныт. Фестиваль ВДНХ-ште гала-концерт дене мучашлалтын.
Фото: Спорт-туризм министерстве.
Фото: Спорт-туризм министерстве.
