Республикыште «Марий Элын ешыже» проектым иктешлыме

Республикыште «Марий Элын ешыже» проектым иктешлыме
              Республикыште «Марий Элын ешыже» проектым иктешлыме. Тений кеҥежым республикысе чыла районышто ача-ава- влак дене вашлиймаш-шамычым эртарыме. Тиде тӱҥалтышым кугыжаныш Погынын депутатше- влак ыштеныт да регионым вуйлатыше Юрий Зайцев поддержатлен. Стратегий сессийлаште участник- влак республикысе ешла дене кылдалтше йодыш- влакым каҥашеныт. Площадкылан пашашт тыгай темылан пӧлеклатыныт: лӱдыкшыдымылык- йоча- влаклан, таза еш- таза республике, ешын экономикыже, еш- влаклан социал инфраструктура, пырля пиалан улыт. Проект кышкарыште чыла муниципалитетыште 21 мероприятийым эртарыме. Ача-ава- влак дене тӱшкан каҥашымаште 435 инициативым ямдылыме. Правительстве председательын икымше алмаштышже Михаил Васютинын эртарыме совещанийыште калыкын ойлымо эн кӱлешан темлымаш- влакым ончымо. Михаил Васютин республикыштына лишыл жапыште илышыш шыҥдарышаш тӱҥ инициативе- влакым каласен. Тыге, шушаш ий гыч икымше йочам ыштыше ача-ава- влаклан «Азалан пӧлекым» кучыкташ тӱналыт. Самырык еҥ- влаклан ешым регистрироватлымышт годым тукымым шуен кертме шотышто тазалыкыштым черетде, оксам тӱлыде тергаш сертификатым пӧлеклаш тӱналыт. Кажне муниципал образованийыште «Еш клублам» почыт. «Икымше- влакын толкыныштын» первичный пӧлкашт негызеш школысо паша отряд- влакым ыштат. Тиде толкын дене пырля «Мемнан кечыласе тимуровец- влак» поро кумыл отрядым чумырат. Тиддеч посна ийготыш шудымо- влакым пашаш пуртымо мероприятий- влак лийыт, тунемме тӧнежла воктене алкоголь ден тамакам ужалымашым пеҥгыдын тергаш тӱналыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски