Республикысе школлашке шонымо семын пураш ок лий

Республикысе школлашке шонымо семын пураш ок лий
            Республикысе школлашке шонымо семын пураш ок лий. Тунемме тӧнежлаште лӱдыкшыдымылык системым саемденыт,- тидын нерген туныктыш министерстве увертара. Чыла тунемме верлаште домофоным вераҥдыме. Сандене зданийлаш тыге гына пураш чарыме. Тиддеч посна тений школлам йӱкын увертарыме у системе дене пойдарат. Тудын гоч тӱрлӧ лӱдыкшӧ нерген увертарат. Мутлан, зданийыште оружиян еҥын лӱдыктымыжӧ нерген, лӱдыкшӧ предметым мумо але юж тревога нерген. Туныктыш министр Лариса Ревуцкаян мутшо почеш школлаште да кыдалаш профессионал туныктымо тӧнежлаште 30-шо сентябрьын лӱдыкшӧ сигнал пурымо годым персоналын мом ыштышашыже нерген тунеммаш- влак эртаралтыт. Тений туныктымо тӧнежлаште лӱдыкшыдымлык мерым ышташ 200 миллион утла теҥгем ойырымо. 
        Фото: источник photogenica, автор Kryzhov

Прошлые выпуски