Корнышко шордо- влак кудал лектын кертыт

Корнышко шордо- влак кудал лектын кертыт
             Специалист- влак водитель-шамычлан шижтарат: корнышко шордо- влак кудал лектын кертыт. Август мучашыште тиде янлык- влак мужырым кычалаш тӱҥалыт. Сандене нуно ик вер гыч вес верыш чолган куснылыт. Республикысе янлык тӱня департамент водитель- влаклан ушештара: пычкемыш жапыште конылаште тӱткӧ лийман да скоростьым иземдыман. Содыки янлык дене тӱкнымӧ гын, мом ыштыман? Эн ончыч лыпланыман, эмганыше уло гын, тудлан полшыман, кӱлеш годым вашке полышым ӱжман, 112 але 02 номер дене але полицийыш ДТП нерген увертарыман. Янлык тӱня департаментыш янлык дене тӱкнымӧ нерген 8 960 090 74 16 номер дене але вигак районысо кугыжаныш инспектор деке йыҥгыртыман. Моло транспортлан лӱдыкшӧ деч посна кудалаш йӧным ышытман, аварий верым ончычсо гайымак ыштен кодыман. Нимом тӱкалаш, вес верыш кусараш ок лий, тӱкымӧ янлыкым вес-еҥ- влак ынышт наҥгае манын оролаш мерым ыштыман. Чыла тидыже протоколым возашлан да водительын титакан але титакдыме улмыжым рашемдашлан кӱлешан улыт. Уполномоченный должностной еҥ- влакын толмыштым вучыман. ДТП-ште янлык колен гын, эҥгекше тыге аклалтеш: шордылан 80 тӱжем теҥге, чувар пӱчо, маскалан 60, шурмаҥшылан 40, ир сӧсналан 30, мераҥлан тӱжем теҥге. Янлык тӱня департамент ушештара: янлык колымо дене кондымо эҥгекым водительын автограждан ответственностьшым старховатлыше страховой компаний гоч пӧртылтат. Автостраховкыжо уке гын, эҥгекым водитель тӱла.
         Фото:Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски