Марий Элыште карьерын регионысо рӱдержым ышташ шонат
Марий Элыште карьерын регионысо рӱдержым ышташ шонат. Тыгай тӱналтышым правительстве вуйлатышын алмаштышыже- тӱвыра министр Константин Иванов ыштен. Тидын нерген тудо тӱвыра да сымыктыш аланысе туныктышо да вуйлатыше- влакын конференцийыштышт ойлен. Тыгай рӱдер Палантай лӱмеш республикысе тӱвыра да сымыктыш колледжыште шочшаш. Константин Ивановын мутшо почеш муниципал тӱвыра тӧнежлашке, йоча сымыктыш школлашке, кугыжаныш театрлашке ешартыш 543 специалист кӱлеш. Самырык специалист- влакым кумылаҥдыман. Кадр- влак шоҥгемыт, опытан специалист- влак пенсийыш каят, а нуным вашталтыше уке. Колледжыште регионысо карьере рӱдерым ыштыман. Тудо выпускник ден тӱвыра тӧнеж - ончыкылык пашам пуышо- йоча сымыктыш школышто тунемше, студент- влакын стажировкым, практикым эртыме верышт - коклаште ушен шогышо кыл лийшаш, - каласен Иванов.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
