Республикыштна производствышто эмганыше- влаклан машинам пуэныт
Республикыштна производствышто эмганымашым налше- влаклан машинам пуэныт. Россий Социал фондын Марий Элысе пӧлкажым вуйлатыше Владимир Орехов Лада Гранта куд автомобиль деч сравочым кучыктен. Машина- влакым озаштын ойыртемыштым шотыш налын оборудоватлыме. Сандене нуно кид дене веле огыл виктараш келыштаралтыныт. Специальный автотранспорт шым ийлан пуалтеш. Тиде жапыште социал фонд машинам олмыктымылан, топливым налаш кучылтмо оксан ужашыжым пӧртылташ тӱҥалеш. Тиддеч посна ик гана капитально олмыктымылан машинан акше деч 30 процентше пӧртылталтеш. Марий Элыште 20 ий жапыште 225 машинам пуымо.
Фото: Россий социал фондын Марий Элысе пӧлкаже.
Фото: Россий социал фондын Марий Элысе пӧлкаже.
