Марий Элын Еш- влаклан полышым пуымо опытым моло регионлаштат кучылташ тӱҥалыт
Марий Элын Еш- влаклан полышым пуымо опытым моло регионлаштат кучылташ тӱҥалыт. Республикын правительствыштыже Марий Элым вуйлатыше Юрий Зайцев ден Кугыжаныш Дума председательын алмаштышыже Анна Кузнецова вашлиймашым эртареныт. Нуно демографий политикым саемдыме да Республикыште Ешын талукшым эртарыме мероприятий- влак планым каҥашеныт. Юрий Зайцев Анна Кузнецовалан республикылан тӱткышым ойырымылан тауштен ойлен. Кугыжаныш Дума председательын алмаштышыже палемден: регионысо политикым Президентын Указше дене келшышын виктарыман. Тудо шуко шочшан еш- влакым поддержатлыме шотышто кугу кӱкшытым палемден. Анна Кузнецова студент еш- влаклан социал няньым ойырымашым ончыкылыкан да пӱсын шогышо полыш семын класен. Марий Элыште илышыш шыҥдарыме тиде практике военнослужащий- влакын ешыштлан полшышо регионысо мера семын студент ешлашкат шарлен кертеш да моло верыштат шарен колтымым йодеш. Юрий Зайцевын мутшо почеш ешлан полшымо паша чарныде шукталтеш. Республикыште чылаже 40 наре тӱрлӧ полыш уло. Кызыт «Уло еш дене» проект шыҥдаралтеш. Тудо еш дене шукырак жапым пырля эртараш виктаралтын. Ешлан полшымо икмыняр мероприятийым эртараш шонена,- каласен Республикым вуйлатыше.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
