Пачерым шагалрак чоҥымо
Марий Элыште 2020-шо ийыште 19-ше ийысе деч шагалрак пачерым чоҥен сдатлыме. Кодшо ийын январь гыч декабрь марте тӱрлӧ оксам кучылтын вич тӱжемат 490 пачерым чоҥымо. Нунын кумдыкышт 370 тӱжем квадрат метр лийын. Тидыже 19-ше ий дене таҥастарымаште 93 наре процент лийын. Калык шке кӱшешыже 135 тӱжем квадрат метр кумдыкан тӱжемат 72 пӧртым чоҥен.- Республикыште чоҥымо илемын 36 утла процентше лиеш. Кокла шот дене налмаште тӱжем еҥлан кодшо ийын 544 квадрат метр илемым чоҥымо,- тыгай данныйым Маристат ончыкта.
