Республикыштына машинан нелытшым висыше да кугытшым палемдыше икымше автоматический пунктым монтироватлат
Республикыштына машинан нелытшым висыше да кугытшым палемдыше икымше автоматический пунктым монтироватлат. «Лӱдыкшыдымӧ да сай качестван автомобиль корно- влак» калыкле проект кышкарыште да корным арален кодаш манын «Кокшайск-Красногорский» автомобль корнын 7-ше меҥгыштыже тыгай оборудований вераҥдалтеш. Тиде пункт машинам чарыде, автомат режим дене тудын нелытшым да кугытшым рашемда. Вара корнышто умбалнырак увер табло вераҥдалтеш. Машинан тушко миен шумекыже водитель нормо дене келшен толдымыжым пален налын кертеш.
