Марий Турек районысо калыклан 23 меҥге у корным пӧлеклат

Марий Турек районысо калыклан 23 меҥге у корным пӧлеклат
           Марий Турек районысо калыклан 23 меҥге у корным пӧлеклат. Тиде кундемыште тений 23 меҥгыш шуйнышо кум корным олмыктат,- увертара «Марий Элын корныжо-влак» группо. «Медведевоагродорстрой» ушем Марий Элым вуйлатышын кӱштымыжӧ почеш Марий Пыламарий- Сенда корным шотыш конда. Корнын кужытшо - вич меҥгат 200 метр. «Автодор» кок объект дене пашам ышта: Кугу Карлыган ден Изи Карлыган кокласе корнын ик меҥгат 700 метр кужытшым да Кугу Карлыган ден Сардаял кокласе корнын 16 меҥгат 700 метр кужытшым. Пытартыш корныштыжо тӱрысынек асфальт ок лий: 9 меҥгыштыже тыгыде кӱм шарат, кодшо шым меҥгыштыде йӱштӧ регенераций йӧным кучылтыт. Тидыже корно шартышым саемда да пайдаланыме жапшым кужемда.
           Фото: Архив.

Прошлые выпуски