Республикыштына тазалыкралтышын первичный звеножым уэмдыме программе кышкарыште ныл объектым чоҥаш тӱналыт
Республикыштына тазалыкралтышын первичный звеножым уэмдыме программе кышкарыште ныл объектым чоҥаш тӱналыт. Иктыже- тиде Медвеедво районысо Силикатный посёлкышто врач амбулаторий. Тудын тошто зданийжым эше 1954-ше ийыштак чоҥымо. Капитально ик ганат олмыктымо огыл. Температурым кучаш ок лий. Персонал шокшо вургем дене гына пашам ышта. Проект да смета документацийым ямдылыме, кугыжаныш экспертизым эртен. Уэмдаш оксам палемдыме. Чылаже тений программе кышкарыште ныл объектым чоҥышаш улыт. Силикатный деч посна Кокшайскысе врач амбулаторий, Марий Турек районысо Тат-Китняште ФАП, Юрино районысо рӱдӧ эмлыме верын поликлинике пӧлкаже нӧлталтшаш улыт. Чоҥашлан, капитально олымкташ да оборудованийым налаш чылаже 374 миллионат 700 тӱжем теҥге колталтеш.
