Суд пристав- влак кум миллион теҥге порыслан иномаркым арестоватленыт
Суд пристав- влак Йошкар-Олаште налог шотышто кум миллион теҥге порыслан иномаркым арестоватленыт. Суд пристав- влак ГИБДД пашаеҥ- шамыч дене пырля «Дорожный пристав» аппарат да программе комплексым кучылтын рейдым эртарат. Тыгай келыштарымашым кучылтмылан кӧра рейдын лектышыже палынак кушкеш. Молан манаш гын, парыман- влакын машинаштым кудалме годым моло кокла гычак рашемдаш лиеш. Комплекс автомат режим дене кудалше машина- влакын номерыштым лудеш да тыманмеш суд прситав- влакын данный базышт дене терга. Суд пристав пален налме парыман еҥ- влаклан верыштак порысыштым тӱлаш темла, уке гын тӱлыдымӧ еҥын погыжым але машинажым арестоватлен кертеш. Йошкар-Олаште эртыше черетан рейдыште ныл шагат жапыште парыман 40 машинам рашемдыме. Тыге индеш машинам арестоватлыме, верыштак 40 тӱжем теҥге парымым пӧртылтымӧ. Суд пристав службо тидымат ешара: ик организацийын йот элыштте ыштыме машинажым чарыме. Тудын налог служба ончылно кум миллион утла теҥге парымже погынен. Тудым арестоватлыме да ужалкалыше организацийын стоянкышкыже колтымо. Лу кече жапыште парыман еҥ порысшым ок тӱлӧ гын, автомобиль аклалтеш да парымым петырыме кӱшеш ужалыме лиеш.
Фото: Марий Элысе суд пристав службо виктемын пресс-службыжо.
Фото: Марий Элысе суд пристав службо виктемын пресс-службыжо.
