Республикысе калык ӱярням палемда
Республикысе калык ӱярням палемда. Тений Ӱярня арня 20-шо гыч 26-шо февраль марте шуйна. Тиде акрет годсо пайремын шке йӱлаже уло. Кажне кечыже могай гынат сомыллан пӧлеклалтын, кажныже оҥайын эрта. Мутлан, изарнян издер дене мунчалтеныт. Ӱярня арня титакым касарыме кече дене мучашлалтеш. Тиде кечынак ӱярня чучылым йӱлалтат да лишыл еҥ- влак деч титакым кудалташ йодыт. Шочмын православий йӱлам кучышо- влак Кугу Пӱтышкӧ ушнат. Тений тудо 27-ше февральыште пура да 15-ше апрель марте шуйна.
