Саратов олаште ПФО-н Чемпионат ден первенствыже мучашлалтын
Кикбоксинг дене Юл кундем федерал округын таҥасымашыштыже Марий Элын сборный командыже кум той медальым сеҥен налын. Саратов олаште ПФО-н Чемпионат ден первенствыже мучашлалтын. Тудо эн шуко участникым чумырен. Округысо 12 кундем гыч 800 спортсмен ончыл вер верч кучедалын. Марий Элын сборныйыштыжо кикбоксинг федерацийын боецше- влак лийыныт. Нуно кум той медальым сеҥен налыныт. Пьедесталыш Амина Сергеева, Роман Садовин ден Константин Яковлев кӱзеныт. Нунын нелыт шот дене категорийыштышт 30 наре еҥ кучедалын.
Фото: Спорт-туризм министерстве.
Фото: Спорт-туризм министерстве.
