Спортсменна- влак Россий кӱкшытан таҥасымашыште медаль- влакым сеҥен налыныт
Марий Элын спортсменже- влак куштылго атлетике дене Россий кӱкшытан таҥасымашыште медаль- влакым сеҥен налыныт. Куржталше- влак кид-йол дене эмганен кушшо Россий кӱкшытан таҥасымаште да Российын кубкыштыжо юниор- влак коклаште сеҥыше радамыште улыт. Таҥасымаш Саранск олаште эртен. Российын кубкыштыжо 200 утла спортсмен таҥасен. Тушто 60, 200, 400, 800 да тӱжемат 500 метрыш куржыныт. Тыгак кужытыш да кӱкшытыш тӧрштылыныт, кӱртньӧ топым кышкеныт. Республикына гыч тушко паралимпий резерв спорт да адаптаций школын шуаралтшыже Михаил Липатников миен. Тудо 800 метрыш таҥасымаште кокымшо верым налын. Российысе таҥасымаште Марий Эл гыч спорт да адаптаций школ гыч вич спортсмен лийын. Нунат сай лектышым ончыктеныт. 400 метрыш куржмаште Дарья Романова шӧртньӧ медальым, 200 метр кужытышто Тимофей Шабалин той медальым налыныт.
Фото: Спорт-туризм министерстве.
Фото: Спорт-туризм министерстве.
