Юрий Зайцев «Регион. Общество. Человек» граждан форумышто участвоватлен
Юрий Зайцев «Регион. Общество. Человек» граждан форумышто участвоватлен. Пленарный заседаний Антикризис рӱдерыште эртен. Республикым вуйлатыше палемден: кызыт Россий экономик, политик да моло сферыштат ятыр йодыш дене ваш тӱкнен. Тидыже кугыжаныш политике стратегийым, кугыжанышын калыкле цельжым вес семын ончалаш йодеш. Ятыр йодышлан вашмут семын поснак икоян, ик шонышан лийман, элнам умбакыже вияҥдыме да тӱнямбалне тудын верже шотышто граждан келшымаш лийшаш. Общественный палате- влак тиде икойыш шумаште вӱден кайыше лийшаш улыт да тидым чаткан шуктат,- каласен Республикым вуйлатыше. «Регион. Общество. Человек» форумышто Марий Эл, Татарстан, Чуваш республике, Киров, Ульяновск областьлан общественный палатыштын еҥышт лийыныт. Форумышто вич секций пашам ыштен. Форум деч вара Марий Элым вуйлатыше Российысе калык озанлык да граждан службын экономик шымлыме институтшын кунемлан вашталтме да олан вияҥмыже рӱдерын шанче институтшын директоржо, «Российысе ола- влак» коммерцийдыме организацийын эксперт советшым вуйлатыше Андрей Максимов дене вашлийын. Директор палемден: Марий Элыште мер да политик йодышлам виктарымаште калык утларак чолган участвоватла.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
