Военнослужащий да нунын ешыштлан полышым пуымо шотышто Марий Элын опытшым Ленинград областьыште ончыктат
Военнослужащий да нунын ешыштлан полышым пуымо шотышто Марий Элын опытшым Ленинград областьыште ончыктат. Марий Элым вуйлатыше Юрий Зайцевын кӱштымыжӧ почеш СВО-н участникше- влакын ешыштлан тӱвыра да патриотизм проектым тӱҥалме. Проект Марий Эл ден Ленинград областьын элым аралыше- влакын ешыштлан полшымо шотышто опытыштым иктеш ушаш виктаралтын. Икмыняр кечыште Республикысе ачамланде воин- влакын ешыштын комитетшын делегацийже Санкт-Петербургын да Ленинград областьын пале верже- влакым ончат, йыргешке ӱстел йыр боец- влаклан полшымо йодышым каҥашат, волонтёр толкынышто калыкле-тӱвыра ушем- влакын рольыштым, патриотизм шӱлышеш шуарымаште еш йӱла поянлыкым ончат, опыт дене ваш палдарат. Санкт-Петербург ден Ленинград областьыште Марий Элын представительствыже программын координаторжо улеш. Проектым Марий Эл правительствын полшымыжо дене Ленинград областьын верысе самоуправлений, калык да конфессий кокласе кыл шотышто комитетшын, Марий Элын да Ленинград областьын ачамланде воин- влак ешыштын комитетшын регионласе штабыштын участвоватлыме дене шыҥдаралтеш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
