Йошкар-Олаште палыдыме салтаклан чапкӱлан 50 ий темын
Йошкар-Олаште палыдыме салтаклан чапкӱлан 50 ий темын. Кызыт тудо «Воин чап Монумент» маналтеш. Чапкӱм ыштыме нерген Йошкар-Олан историй тоштерын пашаеҥже- влак ойлат. Мемориал комплексым 1973-шо ийын 5-ше ноябрьыште ыштыме. Скульптура композицийым кум ий мучко Москошто велыктыме да ужашын-ужашын Йошкар-Олаш кондымо. Тудым скульптор Анатолий Ширнин архитектор- влак Яковлев ден Цыгановын полшымышт дене ыштен. Тоштерыште рашемдыме почеш чапкӱсӧ салтакын прототипше уло. Тиде пединститутын студентше лийын. Мемориалым кушан вераҥдыме йодыш ӱчашымашан улмаш. Эн ончыч тудым кызытсе «Дружба» стадион кумдыкеш вераҥдаш шоненыт, вара Рӱдӧ паркым ойырен налыныт. Монтажлан ик тылзе наре жап каен. Тыршымаш арам лийын огыл, чапкӱм калык йӧратен шынден. Шарнымаш стела Сеҥымашым ончыкта, а автоматым нӧлтал кучышо салтакын фигурыжо тора гыч тистым але факелым ушештара.
Фото: Анатолий Ширнин. Йошкар-Олан историй тоштержын фондшо. Марийская правда.
Фото: Анатолий Ширнин. Йошкар-Олан историй тоштержын фондшо. Марийская правда.
