Марий Элыште тений илыме верым ыштен шуктмо дене целевой показатель 14 наре процентыш шушаш
Марий Элыште тений ончылгоч шотлымо почеш илыме верым ыштен шуктмо дене целевой показатель 14 наре процентыш шушаш. Теҥгече Марий Элым вуйлатыше Юрий Зайцев Российыште регионлам вияҥдыме шотышто правительстве комиссий президиумын (штабын) заседаиийыштыже лийын. Заседанийым видеоконференцкыл йӧн дене Российын вице-премьерже Марат Хуснуллин эртарен. Погынышо- влак Российысе субъектлаште илыме верым чоҥен шуктымо показательым каҥашеныт. Марий Элыште илыме верым чоҥымо кӱкшыт ок изем. Россий чоҥымаш министерствын кӱштымыжӧ почеш республикылан план почеш 435, 8 луаш тӱжем квадрат метрым чоҥыман, А тений октябрь марте 435, 691 тӱжемаш квадрат метрым ыштыме, але планын 103 процентшым шуктымо, талукаш заданийын 99,9 процентше лиеш. Ончылгоч аклыме почеш показатель 496 тӱжем квадрат метрыш шушаш. Илаш йӧрыдымӧ пӧртла гыч калыкым кусарыме пашат чолган кая. Идалык мучаш марте шым шуко пачеран пӧртым шуктышаш улыт. Тушто 443 еҥым кусараш 167 пачерым налме. Палемдыме цель тӱрыс шукталтеш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
