Шушаш ийын республикысе школлаште ший медальым пуаш тӱҥалыт
Шушаш ийын республикысе школлаште ший медальым пуаш тӱҥалыт. Владимир Путинын пеҥгыдемдыме законжо почеш выпускник- влак 2023-шо 2024-ше ийласе тунемме идалык гыч тӱҥалын «Тунеммаште посна сеҥымашлан» кокымшо степенян медальым – ший медальым налаш тӱҥалыт. Тудым нылытан кок отметке деч шуко огыл да руш йылме да эше ик предмет дене ЕГЭ-ште 60 балл деч шагал огыл погышо еҥ- влак налын калын кертыт. Тидын шотышто просвещений министерствын приказшым правовой уверын официальный порталыштыже савыктыме. Шӧртньӧ медальлан радам аралалт кодын: чыла предмет денат иктешлыше отметке визытан лийшаш да руш йылме да эше ик предмет дене 70 деч шагал огыл баллым погыман. Медальым кыдалаш образований нерген аттестат дене пырля пуалтеш. Медальым йомдарыме годым дубликатым огыт пу.
Фото: Архив.
Фото: Архив.
