Марий Элыште инвестиций проект- влакым шыҥдарымаш вольык озанлыкым вияҥдаш полша

Марий Элыште инвестиций проект- влакым шыҥдарымаш вольык озанлыкым вияҥдаш полша
          Марий Элыште инвестиций проект- влакым шыҥдарымаш вольык озанлыкым вияҥдаш полша. Россий Банкын экспертше- влак октябрьыште элысе экономик ситуацийлан черетан шымлымашым эртареныт. Тӱҥ иктешлымаш семын август-сентябрьыште ятыр отрасль дене производствын кушмыжым, потребительын йодмашыжын кугеммыжым да паша рынкыште паша верлан кугу йодмашын аралалт кодмыжым палемдаш лиеш. Сентябрьыште ак утларак кушкаш тӱҥалын. Юл-Виче кундемыште экономике отрасль- влак коклаште вольык озанлыкыште производствын утларак кушмыжо палдырнен. Тидлан тӱкан шолыдра вольыкын, сӧснан чотшо ешаралтмаш, инвестицийлан кӧра регионласе ял озанлык предприятий- влакын куатышт кушмаш йӧным ыштен. Мутлан Марий Элыште тений сентябрьыште кодшо ийысе тыгаяк тылзе дене таҥастарымаште тӱкан шолдыра вольыкын чотшо кок процентлан шукемын. Тыгак полшышо производство вияҥеш. Мутлан, вольыклан да сурткайыклан кормам ямдылымаш Ик районышто комбикормам лукшо заводым пужен ыштыме да производство линийым ешарыме. Тыге тений январь гыч сентябрь марте комбикормам ик процентлан шукырак ыштен лукмо. Тидыже шыл да шӧр сатулан акын кушмыжым кучаш полша. Иктешлымашым элысе 15 тӱжем предприятийым шымылыме негызеш ыштыме. Тушечын 150 наре предприятийже Марий Элыште пашам ышта.

Прошлые выпуски