Звенигово тоштерлан кӱыш савырныше пушеҥге ужашым пуэныт
Звенигово тоштерлан кӱыш савырныше пушеҥге ужашым пуэныт. Краеведений тоштерын коллекцийже у экспонат- влак дене пойдаралтын. Верысе калык кӱыш савырныше пушеҥге ужаш- влакым конденыт. Пӱртӱсым тӱткын эскераш гын, шуко оҥайым муаш лиеш, ойлат тоштер пашаеҥ- влак. Тыгай оҥай ӱзгар- влакым верысе калык икымше гана огыл тоштер фондлан пуат. Туге гынат, тыште у тыгай экспонатым уло кумылын налыт.
Фото: Звенигово краеведений тоштер.
Фото: Звенигово краеведений тоштер.
