«Робототехнике» программе дене Олимпиадын йыжыҥыштыже финалыш лекше- влакын лӱмышт рашемын
Юл кундем кругысо тунемше- влак коклаште «Робототехнике» программе дене Интеллектуал Олимпиадын регионысо йыжыҥыштыже финалыш лекше- влакын лӱмышт рашемын. Тергымаш 2-шо февральыште лийын. Сеҥышыш «Инфотех» лицейыште тунемше Надежда Герц ден Константин Калинин лектыныт. Нуно Йошкар-Олаште 12-13-шо мартыште федерал округысо олимпиадын окружной финалыштыже Марий Элын чапшым аралыше командын радамышкыже пурат. А 7-ше февральыште Калыкле президент школ- интернатыште «Что? Где? Когда? Модмашын» регионысо йыжыҥже лиеш. Тушто муниципал модмаште сеҥыше да призёр- 21 команде моштымашыжым ончыкта.
