Россий Президентын полышкалышыже калыклан приёмым эртарен
Россий Президентын полышкалышыже Анатолий Серышев видеоконференций йӧн дене калыклан приёмым эртарен. Мероприятийыште полпредын алмаштышыже Игорь Паньшинат лийын. Тушто Марий Эл гычат ик еҥын обращенийжым ончымо. У Торъял посёлкышто илыше еҥ президентын приёмныйышкыжо физкультурно- оздоровительный комплексым чоҥен пытараш полшаш йодмаш дене лектын. Анатолий Серышев Марий Эл Правительство вуйлатышын икымше алмаштышыже Александр Гречихолан да спорт министерствылан йодышым виктарен колташ шке темлымашыштым ямдылаш кӱштен. Полномочный представительын аппаратше тиде йодышым контрольыш налын.
