Россий Президентын Юл кундем округышто полномочный представительже Игорь Комаров Йошкар-Олаште лийын

Россий Президентын Юл кундем округышто полномочный представительже Игорь Комаров Йошкар-Олаште лийын
             Россий Президентын Юл кундем округышто полномочный представительже Игорь Комаров теҥгече Йошкар-Олаш толын. Тудо Республикым вуйлатыше Юрий Зайцев дене пырля 2023-шо ийын лектышыжым каҥашеныт да тенийлан планым палемденыт, Полпред ятыр показатель дене Марий Эл кӱкшӧ лектышыш шуын, но паша темпым иземдаш ок кӱл, молан манаш гын, тенийсе ий регион- влалкан пеш кӱлешан улеш манын. Полпред поснак увер технологийым, промышленностьым, ял озанлыкым палемден. Тыгак сайлымашлан ямдылалтме йодышым тарватен. Игорь Комаров ден Юрий Зайцев тыгак «Ачамландым аралыше- влак» кугыжаныш фондын филиалжым вуйлатыше Ренат Магсумов дене вашийыныт. Тудо СВО-н участникше да нунын ешыштлан полшымо нерген ойлен. Филиалым почмо жап гыч тушко куд тӱжемат 400 утла обращений пурен. Йодыш- влак социал полышым пуымо, оксам тӱлымӧ, юрист полышым пуымо, ЖКХ да налог шотышто льготым оформитлыме, боевой действийын ветеранже статусым налме, санаторно-курорт эмлымашым эртыме дене кылдалтыныт. Игорь Комаров филиалын  пашажым кӱкшын аклен да кумдан умылтарыме пашам эртараш кӱлеш манын палемден.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски