Марий Элым вуйлатыше Москошто Россий спорт министрын икымше алмаштышыже Одес Байсултанов дене вашлийын

Марий Элым вуйлатыше Москошто Россий спорт министрын икымше алмаштышыже Одес Байсултанов дене вашлийын
             Марий Элым вуйлатыше Юрий Зайцев Москошко паша дене мийымыже годым Россий спорт министрын икымше алмаштышыже Одес Байсултанов дене вашлийын. Нуно Марий Элыште спорт инфраструктурым вияҥдыме, Россий кӱкшытан таҥасымаш- влакым эртарыме йодышым каҥашеныт. Мутлан, Шернур районышто физкультура да спорт комплексым чоҥен пытарыме йодышым онченыт. Юрий Зайцев палемден: тиде йодышым Федераций Советыште 2023-шо ий октябрьыште Республикын кечыжым эртарыме годым каҥашыме да сенатор- влакын поддержкыштым налын. Кызыт уэмдыме проект да смета документаций кугыжаныш экспертизын сай заключенийжым налын. Россий спорт министерствыш объектым федерал адресан инвестиций программыш пурташ йодмашым колтымо. Тиддеч посна вашлиймашыште кучедалме искусство дене тӱнямбал калыкын модмашыштым эртарыме йодышым каҥашеныт. Россий кӱкшытан физкультура мероприятий икымше гана Марий Элыште июль мучашыште эртаралтшаш. Программыш 17 тӱрлӧ спорт дене таҥасымаш да мастар-класс- влак пурат.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски