Йошкар-Олаште «Свердлов» ТОС-ышто илыше- влак СВО боецын отпускыш толмыжо лӱмеш кугу пайремым ямдыленыт

Йошкар-Олаште «Свердлов» ТОС-ышто илыше- влак СВО боецын отпускыш толмыжо лӱмеш кугу пайремым ямдыленыт
            Йошкар-Олаште «Свердлов» ТОС-ышто илыше- влак СВО боецын отпускыш толмыжо лӱмеш кугу пайремым ямдыленыт. Иван дене вашлиймашлан кӱлынак ямдылалтыныт. Беседкыште когыльо да торт дене ӱстелым погеныт, йолташыже- влакым ӱжыныт. Чыланат военнослужащий деч службо, тусо илыш нерген йодыштыныт. Иван земляк- влакын ыштен шогымо полышыштлан тауштен да тӱжем меҥге коклаште тудо поснак шижалтеш манын. Ола администрацийыште палемдыме почеш, «Свердлов» ТОС СВО тӱналтыш гычак боец- влаклан чолган полша, рвезе- влакын йодмышт почеш эре посылкым пога: кофем, коштымо шӱрым, сухофруктым, носким, камуфляж футболкым, термосым, бензопилам да моло кӱлешлыкым. СВО кажне еҥым тӱкен, мемнан еҥ- влак мобилизаций годсек рвезе- влаклан полшат, тылзе еда пенсий гыч тӱжем теҥгем ойырат, а пашам ыштыше- влак эшеат шукырак,- каласен ТОС-ым вуйлатыше Людмила Китаева.
         Фото: Йошкар-Ола мэрий.

Прошлые выпуски