Пытартыш таҥасыме кече Марий Элын паралимпиецше- влаклан эше кум медальым конден
Чебоксарыште кид-йол эмганен кушшо- влак коклаште куштылго атлетике дене Россий кӱкшытан йоча да самырык- влакын таҥасымашышт мучашлалтын. Спортсмен- влак сеҥымаш верч 17-ше гыч 20-шо июнь марте кучедалыныт. Пытартыш таҥасыме кече Марий Элын паралимпиецше- влаклан эше кум медальым конден: 200 метрыш куржмаште Дамир Марданов шӧртньӧ медальым, Венера Скворцова- шийым, Кира Бутенина той медальым налыныт. Тыге мемнан командын чондайыштыже лу награде: ныл шӧртньӧ, кум ший да кум той медаль. Ушештарена: мемнан республике гыч паралимпий резерв спорт да адаптаций школын спортменже- влак миеныт. Тренерышт- Олег Манасов.
Фото: Спорт-туризм министерстве.
Фото: Спорт-туризм министерстве.
