Российын президентше Владимир Путин Касвелын агрессийжылан вашмут семын мемнан элын кокла кужытыш лӱйымӧ ракетым кучылтмыжо нерген срочный заявленийым ыштен
Российын Президентше Владимир Путин Касвелын агрессийжылан вашмут семын мемнан элын кокла кужытыш лӱйымӧ ракетым кучылтмыжо нерген срочный заявленийым ыштен. Украинын вооруженный вийже Брянск да Курск областьлам лӱйкалаш касвел сар-куралым кучылтын. Тыге Курск областьыште «Север» группировкын командный пунктшым лӱйкалымылан кӧра оролышо персонал ден обслуживатлыше составыште вуйым пыштыше- влак улыт. Тидын годымак вуйлатыше состав штат режим дене шке сомылжым шукта. Брянск областьысе боеприпас склад кундемыште Атакамс ракет логалмеке тул пижын. Тудым вашке йӧртымӧ. Вашмут семын россий военный- влак у «Орешник» баллистик ракетым тергыме семын кучылтыныт. Цельже- Днепропетровскысо «Южмаш» завод лийын. Путин россий кундем ваштареш шке оружийыштым кучылташ пуышо эл- влакын объектышт ваштареш военный вийым кучылташ ямде улмо нерген увертарен да палемден: «Орешникым» колташ шонымо годым тыныс калык эвакуироватлалт шуктыжо манын ончылгоч шижтаралташ тӱҥалеш.
