«Российысе машиностроитель- влакын Ушемыштын» Марий пӧлкажын радамышкыже республикысе промышленность министр пурен

                      Кодшо кечылаште «Российысе машиностроитель- влакын Ушемыштын» Марий пӧлкажын радамышкыже республикысе промышленность, экономически вияҥмаш да торговля министр Станислав Крылов пурен. «Российысе машиностроитель- влак Ушемын» марий пӧлкажым вуйлатыше, ик эн вӱдышӧ промышленный предприятий «Полупроводник прибор- влак заводын» директоржо Пётр Козлов Станислав Игоревичлан торжественно ушемын еҥже улмо нерген билетым кучыктен. Тидын годым палемден: тачысе кечылан ончылно шогышо ик тӱҥ задаче-  республикысе машиностроений комплексым да тичмаш промышленностьым вияҥдаш полшышо производство предприятий- влаклан йӧнан климатым ыштымаш шотлалтеш. Ушемым 2007-ше ий апрельыште ыштыме. Тудо отрасльым вияҥдыме стратегийым ыштыме, калыкле машиностроений комплекслан полшаш ышталтын. Министрын тушко ушнымыжо мер  организацийын пашажлан сай полышым пуышаш.

Прошлые выпуски