«Российын ечыгорнышкыжо» 10 тӱжем наре еҥ лектын
Кодшо шуматкечын Марий Элыште Россий кӱкшытан 38-ше «Российын ечыгорныжо» тӱшка таҥасымаш эртыш. Корта ече базышке кок тӱжемат 500 наре еҥ погынен ыле. Нунын коклаште профессионал спортсменжат, тӱрлӧ ийготан спортым йӧратыше- влакат улыт ыле. Йӱштӧ игече иктымат чактарен огыл. Вич меҥге кужтыш куржмаште 18 ияш марте ӱдыр- влак коклаште Елена Якимова, рвезе- влак кокла гыч Александр Шабалин икымше верым налыныт. Лу меҥге кужытышто 19 ияш да кугурак- влак коклаште Анна Романова ден Родион Арбузов икымше толыныт. Эн изи участникше- Ульяна Лежнина ныл ияш лийын гын, эн кугу ийготанже- Яков Заболотцких 90 ийым темен. Таҥасымаш моло район ден олалаштат эртен. Чылаж ечыгорныш 10 тӱжем наре еҥ лектын. Тиде кечынак теле спортын кечыже палемдалтын. Тудын кышкарыште тӱрлӧ мероприятий эртен, 60 еҥ ГТО нормативым сдатлен.
