Таче Российыште Дипломатический пашаеҥ-влакын профессионал кечышт палемдалтеш

Таче Российыште Дипломатический пашаеҥ-влакын профессионал кечышт палемдалтеш. Республикым вуйлатыше Александр Евстифеев Йошкар-Олаште Россий МИД-ын представительствыжын пашаеҥже- влакым тиде кече дене саламла. Российысе дипломат- влак эре кӱкшӧ профессионализм, талант да элым йӧратымаш дене ойыртемалтыт, а дипломат корпусын пашаже кеч-могай жапыштат престижан да моткоч ответственныйлан шотлалтын. Марий Элыште тӱнямбал кыл да внешнеэкономический вашкылын историйже ятыр лу ий дене шотлалтеш. Чыла тиде жапыште Представительстве ден республикын кугыжаныш кучем органже коклаште вашкыл чак да умылымаш негызеш виктаралтеш. Россий МИД-ын Йошкар-Оласе представительствыже йотэл партнёр- влак дене торгово-экономик, тӱвыра да моло кылым вияҥдаш полша. Представительствын коллектившылан тазалыкым, улан илышым, неле да кӱлешан пашаште у сеҥымаш- влакым, тӱнямбал кылым келгемдымаште да кумдаҥдымаште планым да шонымаш шукталтмым тыланем, - ойлалтеш республикым вуйлатышын саламлымашыштыже.

Прошлые выпуски