Йошкар-Оласе икымше номеран йоча поликлиникыште олмыктымо паша мучашлалтын
Йошкар-Оласе икымше номеран йоча поликлиникыште олмыктымо паша мучашлалтын. Чехов уремысе кум пачашан поликлиникым кодшо курымын 70-шо ийлаштыже чоҥымо. Сандене тудым кызытсе йодмашлан келыштараш куштылго огыл. Туге гынат «Тазалыкаралтыш» калыкле проектын «Тазалыкаралтышын первичный звеножым уэмдымаш» регионысо проект кышкарыште эртарыме капитально олмыктымаш ятыр сай вашталтышым ыштен. Лелия Соколова лӱмеш икымше поликлиникыште кӧргӧ омса- влакым вашталтыме, пластик окнам шындыме, электромонтаж пашам шуктымо. Кабинетлаште линолеумым шарыме, а коридор ден тошкалтыш площадкылаште у керамогранит плиткам оптымо, пырдыж- влакым шымартен чиялтыме. 12 тӱжем йочам ончышо ик эн кугу йоча поликлинике изи- влакланат, ача-аваштланат утларак кумылым савырыше лийын.
Тений проект кышкарыште вич объектым капитально олмыктат. Йоча поликлинике деч посна оласе кокымшо поликлинике, Волжск оласе эмлыме вер, Йошкар-Олаште кугыеҥ- влаклан кокымшо ден нылымше поликлинике- влак, Семёновкысо врач амбулаторийыште пашам шуктымо. Олмыктымо пашан акше -80 миллион теҥге. А уэмдыме программын чыла мероприятийжылан тений республикыште 374 миллион теҥгем палемдыме ыле.
Фото: Тазалыкаралтыш министерстве.
Тений проект кышкарыште вич объектым капитально олмыктат. Йоча поликлинике деч посна оласе кокымшо поликлинике, Волжск оласе эмлыме вер, Йошкар-Олаште кугыеҥ- влаклан кокымшо ден нылымше поликлинике- влак, Семёновкысо врач амбулаторийыште пашам шуктымо. Олмыктымо пашан акше -80 миллион теҥге. А уэмдыме программын чыла мероприятийжылан тений республикыште 374 миллион теҥгем палемдыме ыле.
Фото: Тазалыкаралтыш министерстве.
