14 ияш рвезым шолышт коштмыжлан судитлыме
Республикыште 14 ияш рвезым икмынянр гана шолыштмыжлан судитлыме. Следствий виктемын Курык марий районысо следствий пӧлкажын погымо доказательствым приговорым лукташ ситышылан шотлымо. 14 ияш рвезе тений март гыч май марте шолышт коштмыжлан титаклалтеш. Рашемдыме: тудо верысе калыкын пӧрт ден мончалашкышт пурен 65 тӱжем утла теҥгеаш погым луктеден. Тудо бензопилам, шӧртньӧ шергашым, телевизорым, газ баллоным, оксам да моло ӱзгарым шолыштын. Тергыме годым шолыштмо ӱзгарын ужашыжым озаже- влаклан пӧртылтымӧ. Суд рвезым кокият пелылан условно судитлен, кок ийлан тергыме жапым палемден. Судын решенийже почеш рвезе умбакыже тунемшаш да шижтарыде илыме верже гыч кайышаш огыл.
